|
|
[1]26路嘅河北線,如果噉行,客源同客流冇保障……至于河南線,行南洲路瀝滘段呢種爛窄路,會比較麻煩……雖然唔一定會塞車,但交通壓力一樣會加大……
但如果可以行海客—新滘西—廣州大道—天河,都可以考慮下……
[2]35路去廣仁路,同樣係占道經營,而且廣仁路已經塞唔落第三條線路,你唔信嘅話可以親自去睇下……
至于大學城呢邊,最好就唔好轉外環路入科學中心,直行中環路到地鐵大學城南站,其實都唔錯!至少大學城南站附近嘅道路條件允許設置個路邊總站(雖然占道經營,但同市區唔同,大學城南站附近嘅道路,即使係翻學放學高峰都冇乜機動車)!而且,按照大學城規劃,大學城南站有個配套站場,雖然而家站場嘅用地已經被占用,但憑借中心大街、中5~8路、中三/四橫路等道路,都可以打造一個占道總站!而且,呢個總站,將252、310、86、565放入去都唔怕!
[3]28路呢種行法,都可以考慮下,但要注意周轉效率同發車密度,呢兩點跟唔上,就肯定唔夠46、60、257搶!
[4]29路唔好調整!而家29路嘅主要問題係放車方面,交通黑點反而唔需要擔心!
[5]32路入華工?可以,但我覺得行廣州大道、林和西橫路、林和西路(回程經行東站)、天河北會好少少,因為行粵墾路、天壽路會浪費時間……
至于DOZEN師兄嘅設想,應該就冇乜可能……二汽係唔會咁順攤,將804B嘅市場拱手讓俾32路!
其實,32路經營狀況唔好,係因為發車密度唔好,而且服務時間唔合理(0700-2100),如果係0540-2240,或者仲有得救!
[6]既然35路唔出文德,37路就冇必要去文德……
[7]40路入泮塘可以(泮塘應該可以放多一條線),但要依然要注意配車數,因為而家40路嘅配車唔多,要延長就一定要加車!
本來打算調40路行叢桂路、恩寧路,不過恩寧路要改造,客源冇保證……
[8]42路……調整計劃待定……因為呢條線要改動,比較麻煩……
[9]45去赤崗?肯定搶唔過地鐵……DOZEN師兄嘅設想反而值得一試……
[10]56如果要去靖海路,就要北行經行天成、詩書、紙行,南行經行海珠路,但……道路條件唔允許啊……維持不變其實都唔差啊,起碼光塔路附近嘅居民有呢個出行需要……
[11]64路冇辦法合并,仲係個句話,道路條件唔允許大車入南漖……
[12]65而家已經經常放短線同快車,呢個樓主唔需要擔心……
[13]67路只要唔好兜出外環,直接走中環路就已經唔錯噶啦!而且,以67嘅運力,冇噉嘅必要調整到大學城外……當然,走新滘南翻出海客嘅方案,都可以考慮一下,但配車同密度要跟上先得……
[14]62路噉行唔好,比較兜,浪費上班族時間……
而且,其實62都算係"通勤"線路,上落班高峰客流差好遠,其實只要調度搞好咗,適當放單班車,問題都可以解決.
[15]63放白云索道短線?會少好多客噶……不過放楊箕村、冼村短線反而可以考慮下.
[16]66路已經唔需要云山錦繡短線……因為新客源已經培養好,而且有544補充66個空位,已經夠了……
[ 本帖最后由 KAMEERU322813 于 2007-8-3 09:06 編輯 ] |
|
[復制鏈接]
發表于 2007-8-2 23:24
樓主
發表于 2007-8-3 08:31
